BALLADE DES DAMES DU TEMPS JADIS

SERGE REGGIANI

Letras:François Villon

Dictes-moy où, n'en quel pays,

Est Flora, la belle Romaine ;

Archipiada, ne Thaïs,

Qui fut sa cousine germaine ;

Echo, parlant quand bruyt on maine

Dessus rivière ou sus estan,

Qui beauté eut trop plus qu'humaine ?

Mais où sont les neiges d'antan !

Où est la très sage Heloïs,

Pour qui fut chastré et puis moyne

Pierre Esbaillart à Sainct-Denys ?

Pour son amour eut cest essoyne.

Semblablement, où est la royne

Qui commanda que Buridan

Fust jetté en ung sac en Seine ?

Mais où sont les neiges d'antan !

La royne Blanche comme ung lys,

Qui chantoit à voix de sereine ;

Berthe au grand pied, Bietris, Allys ;

Harembourges, qui tint le Mayne,

Et Jehanne, la bonne Lorraine,

Qu'Anglois bruslèrent à Rouen ;

Où sont-ilz, Vierge souveraine ?…

Mais où sont les neiges d'antan !

Prince, n'enquerez de sepmaine

Où elles sont, ne de cest an,

Qu'à ce Refrain ne vous remaine :

Mais où sont les neiges d'antan !

¿Su evaluación?

Ballade des dames du temps jadis

Serge Reggiani

100 Plus Belles chansons

Usted debe registrarse o usted guardar para administrar sus cancioneros...

Versión: 1.0
Última modificación: 2022-10-24

Advertencia de responsabilidad sobre los derechos de autor de los textos